Սեպտեմբերի, 11 2017
Անելիք Բանկը հաջողությամբ ավարտել է  պարտատոմսերի 4-րդ տրանշի տեղաբաշխումը

Անելիք Բանկը հաջողությամբ ավարտել է պարտատոմսերի 4-րդ տրանշի տեղաբաշխումը

Անելիք Բանկը ամբողջությամբ տեղաբաշխել է իր անվանական արժեկտրոնային դոլարային պարտատոմսերի չորրորդ տրանշը՝ նախապես սահմանված ժամկետից շուտ։ Պարտատոմսերը ձեռք են բերել և՛ ֆիզիկական և՛ իրավաբանական անձինք` ինչպես Երեւանում, այնպես էլ ՀՀ մարզերում։
«Պարտատոմսերի ամեն նոր թողարկման հետ մենք հաճախորդների հետաքրքրվածության և պահանջարկի ծավալների աճի մեծ տենդենց ենք արձանագրում, ինչը փաստում է Բանկի հանդեպ մեծ վստահության և մեր երկրում համեմատաբար նոր ներդրումային գործիքների հանդեպ հետաքրքրվածության աճի մասին»,- ասել է Անելիք Բանկի Վարչության նախագահի ժ/պ, Ֆինանսական տնօրեն Ռուբեն Մելիքյանը:
Հիշեցնենք, որ Բանկի պարտատոմսերի 4-րդ թողարկումը՝ ընդհանուր 5 մլն ԱՄՆ դոլար ծավալով 5.75% տարեկան տոկոսադրույքով, 2 տարի շրջանառությամբ և 6-ամսյա ժամկետով տոկոսների վճարման պարբերականությամբ էր:
Նշենք նաև, որ «Անելիք Բանկը» սկսեց պարտատոմսերի թողարկումները 2016թ․ դեկտեմբերից և արդեն իսկ թողարկել է անվանական արժեկտրոնային դոլարային և դրամային պարտատոմսերի 4 տրանշ ընդհանուր՝ 15 մլն ԱՄՆ դոլար և 1 մլրդ ՀՀ դրամ ծավալներով, որոնք բոլորը տեղաբաշխվել էին նշված ժամանակահատվածից շուտ:

վերադառնալ ցանկին